తెలుసా ..నీకు తెలుసా ...

తెలుసా ..నీకు తెలుసా ... ప్రేమంటే ఒకే లాగ ఉదయించె గగనమని

తెలుసా ..
నీకు తెలుసా ...ప్రేమంటే ఒకే మనిషి నివసించే భువనమని
ఒకే మాట వినిపించే కావ్యమని .. ఒకే దివ్య వెలుగొందే కోవెలని
అదే అదే ..అదే నా హృదయమని .. ప్రణయమని ... ప్రాణమని !

తెలుసా ..
నీకు తెలుసా ...ప్రేమంటే ఒకే మనిషి నివసించే భువనమని
ఒకే మురళి పలికే గోకులమని .. ఒకే కెరటము పొంగే యమున అని
అదే అదే నా జీవమని .. గానమని .. మౌనమని ... తెలుసా !


సీతగాలి వీచినప్పుడు లేత ఎండలా
ఎండకన్ను సోకినప్పుడా మంచు కొండలా
ఆదుకొనే వెచ్చని మమత
ఆవిరయ్యే చల్లని ఎడద
ఒకటే శృతి ..ఒకటే లయ.. ఒకటే స్వరము
ఆ.. ఆ .. ఆ ..
మౌన రాగమొకటే అదే .. అదే.. అనురాగమని
మౌనయోగమని .. ప్రేమదీపమని .. తెలుసా .. నీకు తెలుసా ...!!!


శరత్ కాల నదులలోని తేట నీటిలా
పుష్య మాస సుమగళాల తేనెవాసలా
సుప్రసన్న సుందర కవిత
సుప్రభాత మరంద గుళిక
ఒక పార్వతి .. ఒక శ్రీపతి .. ఒక సరస్వతి
" సర్వ మంగళ మాన్గాల్యే శివే సర్వార్దాసారకే
శరణ్యే త్రయంబకే దేవి గౌరీ నారాయణి నమోస్తుతే "
ఉన్న మంత్రమొకటే .. అదే ..అదే .. మమకారము
సృష్టి కారణం ... బ్రహ్మకు జననం ..తెలుసా ..నీకు తెలుసా ...!!!