వస్తాడు నా రాజు ఈ రోజు

గానం : పి సుశీల

సంగీతం : ఆదినారాయణరావు

రచన : సి నారాయణరెడ్డి

చిత్రం : అల్లూరి సీతారామరాజు

పల్లవి :

వస్తాడు నా రాజు ఈరోజు

రానే వస్తాడు నెలరాజు ఈరోజు

కార్తీక పున్నమి వేళలోన

కలికి వెన్నెల కెరటాలపైన

తేలి వస్తాడు నారాజు ఈరోజు

చరణం1 :

వేలతారకల నయనాలతో నీలాకాశం తిలకించేను

ఆతని చల్లని అడుగుల సవ్వడి వీచేగాలి వినిపించేను

ఆతని పావన పాదధూళికై అవని అణువణువు కలవరించేను

అతని రాకకై అంతరంగమే పాలసంద్రమై పరవశించేను

చరణం2 :

వెన్నెలలెంతగా విరిసినగానీ చంద్రుణ్ణి విడిపోలేవు

కెరటాలెంతగా పొంగినగానీ కడలిని విడిపోలేవు

కలిసిన ఆత్మల అనుబంధాలు ఏ జన్మకు విడిపోలేవులే

తనువులు వేరైనా దారులు వేరైనా ఆ బంధాలే నిలిచేనులే