తెలుగు బిడ్డనంచు తెగ చెప్పుకొని నీవు
ఆంగ్లభాషలోన అతి ప్రయాసగ మాట్లాడి
మాతృభాష యనగ మౌనంబు వహియించి
టెలుగుభాషకు తెగులు సోకించినావు
తెలుగునాట బుట్టి తెలుగునాట పెరిగి
తెలుగు సంస్కృతియు తెలిసి నీవు
అన్యభాషలోన అతి యాసగ మాట్లాడి
తెలుగు తెలియనట్లు తెగఫొజులిస్తివి
పొరుగు రాష్త్రాలలో అతిదొడ్డ మనసుతో
మాతృభాషలోన మధురంగ మాట్లాడి
మాతృభాషామ తల్లిని బహుగ రక్షించగ
తెలుగు మాట్లాడుటకు తెగ సిగ్గుపడితివి
మాతృభాషలోన పరిపాలనను జరుప
ఉత్తర్వులెన్నియో వెడలుచున్నను గాని
మానసంబున నీకు మాతౄభాష పైన
ప్రేమ పుట్టకపోతె ఫలితమేమి ?
విఙులైనవారు విషయంబు గ్రహియించి
ఆంధ్రమాత హృదయ స్పందనను గమనించి
నిత్యజీవితాన అత్యంత ప్రేమతో
మాతృభాష తెలుగు మరువకుందురు గాక !
No comments:
Post a Comment